الصفحة الرئيسية › ثقافة

ثقافة "تونس... غدوة تبرا".. بقلم المسرحي نور الدين الورغي

بقلم المسرحي نور الدين الورغي

قالت تونس : كان تحبني، اسمعني ..

الوباء يجيب الفناء
هكة يقولو ..
ينجم ما يجيبش الفناء
ماهيش دعوة
من عالي العلاء ..
ماهيش دعوة
هابطة مالسماء ..
نحنا نفنو الوباء ..
نا الورغي
ما نحبكش تبكي
وترغي ..
كان عندك سخانة
خبر عليها
تسلم العيلة
اولاد الجيران والقبيلة ..
يمرض ولدك
عمرو عامين
بوك في الستين
جدك في التسعين
ويتعبى السبيطار
بخوك
بعمك
بالجار
اشكون باش تختار؟
اشكون عليك يهون؟
تقتل اشكون يا مجنون؟
تضحي باشكون؟
خوذ الراي
احمي روحك
احمي جارك
احمي تونس
احمي الخضراء
غدوة تبرا
غدوة تبرا
غدوة تبرا ....
احبك يا شعب
قال حشاد
ما تندموهوش..
غدوة تبرا
تبرا
تبرا...

https://www.facebook.com/noureddine.ouerghi/videos/10222444533164927/